YESU NI MZABIBU-SEHEMU YA KWANZA

Yoh 15

1 Mimi ndimi mzabibu wa kweli, na Baba yangu ndiye mkulima.
5 Mimi ni mzabibu; ninyi ni matawi, akaaye ndani yangu nami ndani yake, huyo huzaa sana; maana pasipo mimi ninyi hamwezi kufanya neno lo lote.

Mambo ya kuelewa

1. Yesu aliposema yeye ni mzabibu na kuwaita wanafunzi wake matawi kiu yake ya kwanza ilikua ni wao kuwa na uwezo wa kuzaa sana. Kama ingelikua anawapima maana yake kipimo chao cha kwanza kingekua ni idadi ya vilivyo zaliwa sio kitu kingine.
2. Yesu kajitofautisha na aina zingine za mizabibu kwa kujiita “mzabibu wa kweli”. Hadi amejiita ni mzabibu wa kweli maana yake ni kwamba kuna mizabibu isiyo ya kweli. 
3. Yesu amejitambulisha kama mzabibu na kutambulisha anachokitarajia kwa wanafunzi wake kwamba ni kuzaa sana bila kueleza kazi za mkulima na matarajio ya mkulima.
4. Yesu kutomzungumzia Mungu kama mkulima na matarajio yake kunafanya kutoona kama mkulima ni wa muhimu
5. Walio itwa ni matawi ni ishara kwamba hawajitosherezi bila mzabibu. Kufanikiwa kwao kunategemea mzabibu.

JAMBO LA KWANZA

Mzabibu wa kweli

Unaposoma biblia neno “mzabibu” kwa sehemu kubwa limekua likimaanisha watu wake yaani Israel. Zab 80:8-9

Isaya 5

1 Na nimwimbie mpenzi wangu wimbo wa mpenzi wangu katika habari za shamba lake la mizabibu. Mpenzi wangu alikuwa na shamba la mizabibu, Kilimani penye kuzaa sana;

 2 Akafanya handaki kulizunguka pande zote, Akatoa mawe yake, Akapanda ndani yake mzabibu ulio mzuri, Akajenga mnara katikati yake, Akachimba shinikizo ndani yake; Akatumaini ya kuwa utazaa zabibu, Nao ukazaa zabibu-mwitu.

Mmiliki wa shamba anaoneka kuwa na shamba la mizabibu (wingi) lakini anaonekana kupanda mzabibu (mmoja) ulio mzuri. Hii ina maana kwamba katika shamba lake la mizabibu kuna mzabibu alio upanda ambao uko tofauti na mizabibu mingine. Yesu anaposeama yeye ni mzabibu wa kweli maana yake ni kwamba anajitofautisha na mizabibu mingine isiyo ya kweli (isiyo mizuri). Kama zabibu mwitu imezaliwa ikiota nayo itaitwa mzabibu, usipoambiwa huu ni mzabibu wa kweli unaweza kuutumia kumbe ni mzabibu mwitu.

Kwa ivyo jambo tunaloliona hapa ni kwanza kabla ya kujiweka kwenye mzabibu lazima kujua aina ya mzabibu. Jesus is the true vine. We must be rooted in Him (not in Israel) if we will bear fruit for God. In the New Covenant community, our first identification is in Jesus Christ Himself, not in Israel or even in the church as such. Math 21:33-40

Unawezaje kufahamu mzabibu wa kweli

Yoh 8

31 Basi Yesu akawaambia wale Wayahudi waliomwamini, Ninyi mkikaa katika neno langu, mmekuwa wanafunzi wangu kweli kweli;

32 tena mtaifahamu kweli, nayo hiyo kweli itawaweka huru

Ukiona mtu anatumia neno kukufundisha na mwisho wa siku hupati uhuru, ni dalili tosha umeegemea kwenye mzabibu usio wa kweli.

JAMBO LA PILI

Yesu kutokumzungumzia mkulima kunafanya tusijue mambo yafuatayo

• Gharama alizotumia mkulima kulima

• Matarajio ya mkulima kwa kile alicho kilima

• Kinachotokea mkulima asipokipata alichokitarajia

Gharama za Mkulima

Isaya 5

1 Na nimwimbie mpenzi wangu wimbo wa mpenzi wangu katika habari za shamba lake la mizabibu. Mpenzi wangu alikuwa na shamba la mizabibu, Kilimani penye kuzaa sana;

 2 Akafanya handaki kulizunguka pande zote, Akatoa mawe yake, Akapanda ndani yake mzabibu ulio mzuri, Akajenga mnara katikati yake, Akachimba shinikizo ndani yake; Akatumaini ya kuwa utazaa zabibu, Nao ukazaa zabibu-mwitu.

4 Je! Ni kazi gani iliyoweza kutendeka ndani ya shamba langu la mizabibu nisiyoitenda? Basi, nilipotumaini ya kuwa litazaa zabibu, mbona lilizaa zabibu-mwitu?

• ·         Mkulima aliloligharamikia ni kutafuta eneo zuri la uzalishaji lenye uwezo wa kuzaa sana.

• ·         Mkulima lihakikisha anapanda mzabibu mzuri

• ·         Mkulima aliweka ulinzi wa kutosha

Matarajio ya mkulima

Kilichomfanya mkulima awe na matarajio mazuri ni kwa sababu aliweka kila kinachohitajika ili shamba lake lizae vizuri. Mkulima katika hali ya kawaida anaweza asiwe na matarajio makubwa juu ya shamba lake endapo atakua hajalihudumia katika kila kitu kinachohitajika. Kilichotokea ni mzabibu kuzaa zabibu mwitu, kitu ambacho kilikua kinyume na matarajio ya mkulima. Embu jaribu kuweka haya maneno kwenye Isaya 5:4

4 Je! Ni kazi gani iliyoweza kutendeka ndani ya shamba langu la mizabibu nisiyoitenda? (nimekupa uhai, nimekulinda na ajali, nimekupa kazi, nimekupa chakula n.k). Basi, nilipotumaini ya kuwa utanizalia matunda umekua msikilizaji tu kila siku kanisani wala hujishughulishi kuhakikisha unahudumia wengine, mbona umezaa dini badala ya wakristo?

Kinachotokea mkulima asipopata alichokitarajia

Isaya 5

5 Haya basi, sasa nitawaambieni nitakalolitenda shamba langu la mizabibu; nitaondoa kitalu chake, nalo litaliwa; nitabomoa ukuta wake, nalo litakanyagwa;

6 nami nitaliharibu; wala halitapogolewa wala kulimwa, bali litamea mbigili na miiba; nami nitayaamuru mawingu yasinyeshe mvua juu yake.

Hii ilikua ni matokeo sio ya kutokuzaa, hapana ila yalikua ni matokeo ya kuzaa kisichotarajiwa. Ukisoma hii Isaya utaona tatizo halikua kutokuzaa isipokua ni kuzaa kitu kisicho sahihi (mzabibu mwitu). Hayo mambo yote juu kutokana na kutokuzaa kitu sahihi yakaondolewa

Itaendelea.....